ကိုရင်လေးများ မနက်အာရုံတွင် ဆွမ်းခံရန်အတွက် ကိုရင်လေး(၇၀) ဆွမ်းခံထွက်ရန် ကားတစီးအား အများလှူဒါန်းငွေများအား စုပေါင်းပြီးဝယ်ယူထားပါသည်။
ကိုရင်လေးများအတွက် ဖတ်ရှု၇န် စာအုပ်စာတမ်းများလိုအပ်လျက်ရှိပါသည်။ မူလတန်းအထိသာဟု သတ်မှတ်ထားသော်လည်း မူလတန်းအောင်မြင်ပြီးသားကိုရင်လေးများအား ဆရာတော်မှ ပါဠိသင်တန်းကို ဆက်လက်တက်ရောက်စေခဲ့ပါသည်။
ကိုရင်လေးများအတွက် ကျမသည် ယခုတလော You tube မှနေပြီး bookbox မှတင်ထားသည့် အင်္ဂလိပ်ဘာသာဖြင့် ပုံပြင်လေးများအား အခွေဖြင့်ထိုးကြည့်နိုင်ရန် ဒေါင်းလုပ်ချလျက်ရှိပါသည်။ ကျမရည်ရွယ်ချက်မှာ အင်္ဂလိပ်စာအား လွယ်လွယ်ကူကူစိတ်ဝင်စားလာရန် ရည်ရွယ်ပြီး စုဆောင်းနေခြင်း ဖြစ်ပါသည်။
အင်္ဂလိပ်စာသည် ကမ္ဘာသုံးဖြစ်သည့်အပြင် ပုဂံကဲ့သို့ နိုင်ငံခြားသားများအ၀င်အထွက်များသည့် နေရာတွင် လွယ်ကူစွာတတ်မြောက်ပြောဆိုနိုင်သော အခွင့်အရေးမှာ တခြားနေရာဒေသများထက် သာလွန်သော အခွင့်အရေးတစ်ရပ်ဖြစ်ပါသည်။ ကိုရင်ငယ်လေးများ တနေ့တွင် ကမ္ဘာ့သာသနာပြုနိုင်သူ သာသနာ့အာဇာနည်များလည်း ထွက်ပေါ်လာနိုင်ပါသည်။ ထိုသို့ ထိုသို့ ရည်ရွယ်ချက်ဖြင့် ကိုရင်လေးများအား စိတ်ဓါတ်အားဖြင့်လည်း မြင့်မားလာနိုင်စေမည်ဟု ကျမယုံကြည်မိပါသည်။
ဖတ်ရှုသူအပေါင်းကျန်းမာချမ်းသာကြပါစေ။
မေတ္တာဖြင့်
ပို့စ်တင်သူ - ဓမ္မသာလာ
